Fer<p>En marzo de 2020 feba poco mas d'un mes que hebe empecipiau a vivir y troballar per segunda vez a Reino Uniu. I heba un concierto a Zaragoza, asinas que tiempo antes hebe pillau días de vacacions que hebe de pedir, si no me quedabe sin éls, y pillé vuelo. Pocos días antes veyé que la situación yera cada vez pior, el concierto se suspendeba, es amigues iban decindo que se quedaban en casa, etc. Yo pensé en estar-me a Reino Uniu pero a la fin pillé el vuelo igual, no querebe perder-lo. </p><p>Arribé de maitinada a Zaragoza. Pocas horas dimpués, chusto dimpués de chentar, veyé que se declaraba estau d'alarma. Decidié de pillar el primer vuelo que podebe pillar ta Reino Uniu. No tenebe atra opción que volar ta Manchester (yo vivibe cerca de Londres), prou luent, querebe tornar antes con antes perque dengune sabeba si las buegas se zarrarían u qué. </p><p>Como el vuelo saliba de Barcelona, hebe de pillar tren. Tenebe muita ansiedat. I arribabe de nueiz, pillé hostal ta pasar la nueit. Chent tusindo en la cambra, y ya paranoico. A l'atro'l día facié una gambada per Manchester, que ya conoixebe pos i hebe viviu mas de 2 anyos. Viaché en tren y arribé ta casa en Reino Uniu, minchau per l'ansiedat y no saber qué yera pasando ni qué pasaría.</p><p><a href="https://todon.nl/tags/ThrowbackThursday" class="mention hashtag" rel="nofollow noopener noreferrer" target="_blank">#<span>ThrowbackThursday</span></a> <a href="https://todon.nl/tags/covid" class="mention hashtag" rel="nofollow noopener noreferrer" target="_blank">#<span>covid</span></a></p>